Haqqında


     Uşaq və gənclər teatrları Assosiyasiyası Beynəlxalq ASSİTEJ 1965-ci ildə yaradılmışdır. Uşaq və gənclər teatrlarının mütəxəsissləri üçün beynəlxalq ittifaq rolunu oynayan bu qurumun dünya üzrə 104 Milli Mərkəzi var.    
     Milli, regional və beynəlxalq proqramlar, konqreslər, konfranslar, festivallar, treninq, ustad dərsləri və digər tədbirlərin həyata keçirilməsində müstəsna xidmətləri olan bu beynəlxalq qurum uşaq və gənclər teatrları ilə məşğul olan mütəxəssislər üçün ideya və mədəni yaradıcılıq mübadilələrini asanlaşdırır.
     2011-ci ildə UNESCO nəzdində Uşaq və Gənclər Teatrları Beynəlxalq ASSİTEJ-in İcraiyyə Komitəsi Fransada keçirilmiş qurultayında Azərbaycan Dövlət Gənc Tamaşaçılar Teatrını böyük səs çoxluğu ilə ASSİTEJ üzvlüyünə qəbul edilmişdir.
     Eyni zamanda, Gənc Tamaşaçılar Teatrı bu nüfuzlu beynəlxalq təşkilatın Azərbaycan Milli Mərkəzi, teatrın direktoru, əməkdar artist Mübariz Həmidov isə ASSİTEJ- Azərbaycan Milli Mərkəzinin prezidenti təyin olunmuşdur. Azərbaycan Milli Mərkəzinin əsas vəzifələri ASSİTEJ-ə üzv olan xarici ölkə teatrları ilə qarşılıqlı qastrol səfərləri, beynəlxalq teatr festivalları və treninqlər, konfranslar, ustad dərsləri təşkil etmək, xarici ölkə teatr mütəxəssislərinin Azərbaycana dəvət edilməsinə yardımçı olmaqdır.
     2011-ci ildən bu günə kimi ASSİTEJ- Azərbaycan Milli Mərkəzi bir neçə dəfə hesabat iclasları keçirmişdir. Iclaslarda mərkəzin iş planında duran əsas məsələlər, beynəlxalq əlaqələri gücləndirmək, dünya teatrları ilə səmərəli yaradıcılıq mübadilələri təşkil etmək məqsədi ilə imzalanmış müqavilələr, teatrın iştirak etdiyi xarici qastrol və festivallar haqqında ətraflı məlumat verilmiş, mərkəzə təyin edilmiş yeni üzvlər təqdim olunmuş, hesabat çıxışları dinlənilmişdir.


Copyright © 2017, Azərbaycan Dövlət Gənc Tamaşaçılar Teatrı     |     Saytın hazırlanması: Proqres IPX